Një sasi lënde plasëse është vendosur në transformatorin e kabinës elektrike që furnizon me energji një gurore në Borizan të Krujës.
Informacionet paraprake të policisë së qarkut të Durrësit bëjnë të ditur se lënda plasës artizanale ka shpërthyer rreth orës 02.30 të mëngjesit të së shtunës.
Për pasojë, janë shkaktuar dëme të vogla materiale në transformatorin e energjisë elektrike, ndërsa biznesi i shtetasit R.Sh. nuk ka pësuar dëme. Grupi hetimor po punon për zbardhjen e shkaqeve dhe zbulimin e plotë të ngjarjes.
