Një rrjet i trafikut të drogës dhe prostitucionit ku anëtarë ishin edhe disa shqiptarë, është shkatërruar nga policia italiane.
Banda e bar-it, siç njihej grupi kriminal përdorte fjalë në kod si qumësht, gjalpë kafe, birre etj. për të trafikuar drogën. Ngjarja është zhvilluar në qytetin e Torinos.
Pas rënies në gjurmët e tyre, policia mbylli edhe një bar që përdorej për të shpërndarë drogën por edhe për trafikimin e prostitutave.
Bari ne Collegno, kishte edhe një kënd ku blerësit e drogës mund të provonin lëndët narkotike përpara se ti paguanin.
Shitja dhe konsumimi i drogës ndodhte në mes të ditës në këtë lokal që shikoni në pamje. Klientët e këtij bari ishin kryesisht studentë dhe minorenë.
12 persona janë arrestuar nga autoritetet italiane. Përveç shqiptareve, në pranga kanë renë edhe anëtarë të tjerë të grupit të trafikut me nënshtetësi italiane dhe marokene.
Nga kërkimet e kryera, policia sekuestroi 800 doza kokaine, hashash, marijuane dhe 1400 euro kesh. 53 nga klientët e lokalit, mes tyre edhe minorenë, janë identifikuar nga policia. Hetimet zbuluan edhe një rrjet të trafikut të femrave. 15 prostituta, me origjine shqiptare dhe rumune ishin pjese e aktivitetit te jashtëligjshëm.
Tv Klan
