Pak orë pas mbylljes së takimit Rama-Meta hidhet edhe alibitë e para mbi atë ç’ka është biseduar. Spartak Ngjela, një aleat i ngushtë i Ramës, sidomos gjatë diskutimeve të Reformës në Drejtësi tregon për Panorama Online se çfarë propozimi konkret i ka bërë Meta, Ramës.
“Sipas burimeve të mia, Meta kërkon Ministrinë e Brendshme, Drejtorinë e Përgjithshme të Policisë së Shtetit dhe Presidentin, që opozita të dalë nga çadra dhe të rikthehet në Kuvend. Meta i ka thënë Ramës që nëse LSI merr këto poste, opozita del nga çadra”, – ka thënë Ngjela.
Megjithatë, sipas tij, posti i ministrit të Brendshëm, është shumë i rëndësishëm dhe Rama nuk mund ta japë te aleati kryesor pa u konsultuar më parë.
“Po a e di Meta që të marrë ministrin e Brendshëm, duhet të pyesë aleatët e mëdhenj, sidomos Uashingtonin?”, pyet Ngjela.
