Kryetari i Lëvizjes Socialiste për Integrim, Ilir Meta, ka qenë sot në qytetin e Kuçovës nga ku folur për zgjedhjet e ardhmshme parlamentare dhe ka kërkuar angazhim të partive politike në garantimin e zgjedhjeve të qeta si dhe zbatimin e ligjit të dekriminalizimit.
Kjo deklaratë ka ardhur në 4 vjetorin e marrëveshjes LSI-PS, ndodhur më 1 prill, që prodhoi edhe qeverisjen e majtë.
“Të gjitha forcat politike në vend duhet të krijojnë klimën e duhur për zgjedhje të qeta, për të votuar në mënyrë të barabartë dhe të drejtë dhe kjo kërkon vullnet dhe dialog politik, mirëkuptim dhe përgjegjshmëri. Të gjitha forcat politike duhet të shprehin vullnetin maksimal për çështjen e dekriminalizimit, LSI është tepër e vendosur për të respektuar këtë proces”. Meta është ndalur ndërkohë edhe në protestën e opozitës
“Çadra nuk është një fenomen i ri në Shqipëri, ka lindur që nga viti ‘94 dhe në përgjithësi në të gjitha zgjedhjet në Shqipëri kemi pasur procese zgjedhore të deformuara, me probleme dhe me klimë tensioni. Të gjithë shqiptarët meritojnë të shprehin vullnetin e tyre me votë të lirë dhe për të mos penguar zgjedhjet kërkohet një dialog politik mes të gjitha partive. Çdo vonesë na çon në një drejtim të paditur, ndërkohë që i vetmi drejtim i vendit tonë është integrimi drejt BE-së”, tha Meta në takimin me të rinjtë e LRI në Kuçovë.
