Një model, regjisor dhe DJ që në Tiranë e Prishtinë ec avash, me hapa të vegjël, por të sigurt, drejt majës!
Nga Albatros Rexhaj-
Donald Braho, pa dyshim një përzierje kreative që funksionon vetëm në një gjendje të përhershme të ngasjes, madje edhe atëherë kur është në gjumë apo në stad të tjetërsuar të mendjes.
Një regjisor i çdo gjëje që ka të bëjë me kamerën, prandaj nuk është aspak e rastësishme se konceptet e Donaldit “huazohen” nga shumë të tjerë; një DJ që muzikën e përjeton si tip masturbimi shpirtëror, ftesë që jetën ta përjetojmë si aventurë; dhe, më e rëndësishmja, një foto model që me imazhin e tij pasqyron thelbin e asaj çka vërtet është një mashkull: një shpirt i pangopur, konfuz kronik, përherë në kërkim të një kuptimi sipëror .
Për mua, Donaldi është ndër të paktët që, në punën e tij si foto model, reflekton diçka thelbësore nga bota e tij e brendshme dhe që imazhin mashkullor nuk e kufizon në një tip kukulle prej dylli.
Nuk dua të zbuloj asgjë nga gjërat e reja me të cilat Donaldi është i përfshirë, qoftë si autor apo si model, por, një gjë mund ta them me shumë siguri: ky çun sapo ia ka nisur.
Brace for impact!
/Opinion.al
