Aktori i famshëm amerikan, Ben Affleck ka treguar botërisht se ka arritur ta mposhtë varësinë nga alkooli.
Me një postim në Facebook, Affleck ka treguar anën e tij negative në të kaluarën dhe planet për të ardhmen.
“Kam kompletuar trajtimin për varësi nga alkooli; diçka me të cilën jam përballur në të kaluarën dhe vazhdoj të përballem me të”, ka shkruar Affleck në Facebook.
“Dua të jetoj jetën si është më së miri dhe të jem baba i mirë. Dua që fëmijët të mos turpërohen nga unë dhe t’u ndihmoj kur kanë nevojë dhe të jem fuqi për çdo kë që ka nevojë për ndihmë”, ka shtuar ai.
Ben e ka falënderuar ish gruan, Jennifer Garner për përkrahjen e dhënë gjatë kësaj kohe, ndërkohë që këto kohë flitet se çifti po i jep një shans të dytë martesës së tyre.
