Kuvendi miratoi sot një projektvendim të ri për Vetingun, duke pranuar gabimin e bërë 10 ditë më parë ku kishte kërkuar rihpajen e garës për në organet e reja të Vetingut.
Procedura e ndërmarrë 10 ditë më parë u denoncua nga demokrati Oerd Bylykbashi si dhe nga Ben Blushi si antikueshtetuese. Po kështu ishte institucioni i Avokatit të Popullit që nuk pranoi të zbatojë kërkesën e Kuvendit për rihapjen e garës. Në këto kushte, parlamenti votoi sot një projektvendim që shfuqizon procedurat e miratuara në seancën plenare të 6 marsit.
Kësisoj, Avokati i Popullit nuk do të hapë garën nga fillimi për në organet e Vetingut, por do të pranojë vetëm plotësimin e dokumentacionit nga kandidatët që kanë aplikuar brenda afatit ligjor.
Kujtojmë se 10 ditë më parë, parlamenti u mblodh në një séance të jashtëzakonshme për të votuar ngritjen e komisionit ad hoc, i cili do të bënte përzgjedhjen e kandidaturave për organet që do të realizojnë procesin e vetingut.
Kushti ligjor është që në komisionin ad-hoc të jenë 3 deputete te mazhorances dhe 3 te opozites. Duke qene se opozita bojkoton parlamentin, ky komision nuk mund te ngrihej. Ne kushtet e urgjences me sa duket Parlamenti vendosi te ktheje edhe njehere mbrapsht listen qe kishte ardhur nga ONM dhe Avokati i Popullit me argumentin se ishin 22 kandidate dhe jo 28. /Opinion.al
