Marijuana me origjinë nga Shqipëria vijon të derdhet në brigjet e Brindizit në sasi industriale, edhe kur kushtet atmosferike nuk e favorizojnë lëvizjen me gomone”.
Kështu e nis shkrimin e saj “Brindisireport”, e cila raporton për mbërritjen në brigjet italiane të një sasie prej 655 kg marijuanë.
Ngarkesa e gomones së mbërritur nga Shqipëria është sekuestruar mbrëmë vonë (15 mars) në brigjet e Brindizit.
655 kg marijuanë të paketuara sapo ishin vendosur në një furgon, në të cilin ndodheshin dy persona. Policia ka dyshuar nga prania e këtij mjeti në një orë kur të gjitha dyqanet ishin të mbyllura dhe i kanë bërë shenjë drejtuesit të ndalonte.
Dy personat që ndodheshin në të kanë ndaluar mjetin dhe kanë ikur në këmbë, shkruan Tema Tv. Ndërkohë policia ka sekuestruar mjetin me 348 kg marijuanë, ndërsa 19 pako të tjera janë gjetur të fshehura në pika të ndryshme të plazhit ku kishte mbërritur gomonia fillimisht.
Vlera totale e lëndës narkotke arrin në 3 milionë euro.
Mediat italiane shkruajnë se një muaj me parë, në të njëjtën zonë janë sekuestruar 56 kg marijuanë me të njëjtat karakteristika.
