Ish-Kryeministri Sali Berisha e cilëson xhelat të diktaturës, Fatmir Xhafën që pritet të emërohet ministër i Brendshëm. Emri i tij është propozuar nga Rama por dekreti ende nuk është firmosur nga Nishani.
Sot Berisha publikoi denoncimin e një gruaje nga Kruja por që tani jeton jashtë vendit, Valbona Duka Maloku e cila thotë se ajo është torturuar nga Fatmir Xhafa ndërsa vëllai ka ndërruar jetë prej toruturave.
Denoncimi i plotë
Në Maj të vitit 1986, familja ime është internuar në fshatin Bruz-Mal të Krujës. Kisha një senduk në pajë dhe ma mori policia. Kur shkova ta kërkoj më thanë se e kemi çuar në DMD (një dyqan tek rruga e Kalasë). Shkova tek dyqani, por shitësi më tha e ka blerë Fatmir Xhafa dhe Kujtim Luli. Pas disa kohësh, kur doli në gjyq Halim Barlika, nusja e Kujtim Lulit që ishte gjyqtare kishte veshur fustanin tim.
Në atë kohë isha 18 vjeçe. Mua, motrën e vogël dhe vëllanë nuk na internuar dhe fillova punë në fermë. Babai më vdiq në internim nga marazi se ne ishin 3 fëmijë vetëm në shtëpi. Një javë pasi më vdiq babai më erdhi një xhip policie dhe më mori.
Në polici më mori në pyetje hetuesi Fatmir Xhafa dhe hetuesi tjetër Kujtim Luli. Më torturuan për vëllanë tim Arben Duka i cili ka ndërruar jetë. Dhe ky njeri vendoset sot në krye të policisë. Ky është turp për popullin shqiptar. Shyqyr zotit që nuk jam në Shqipëri…por për Fatmir Xhafen dhe torturat që na ka bërë ai duhet një natë Shënreu për ti treguar…Zoti Berisha fjalët e mia mund ti publikoni se ato tortura kurrë nuk i harroj.
