Përmes një videoje në facebook Rama njoftoi shkarkimin e 4 ministrave të kabinetit të tij pasditen e kësaj të diele. Aty u është pëgjigjur edhe ndjekësve të tij online, ku disa prej tyre nuk e kanë mirëpritur shkarkimin e Tahirit.
Rama shprehet se nuk e ka shkarkuar, por e ka ngarkuar me detyrën prioritare të këtyre tre muajve, që sipas Kryeminsitrit është fitorja e PS në Tiranë.
“Klodjan ose nuk e ke dëgjuar ose nuk e ke pasur mendjen kur e ke dëgjuar videokomunikimin javor! Dëgjojë edhe njëherë që të kuptosh se Saimir Tahirin nuk e kam shkarkuar, po e kam ngarkuar me detyrën prioritare të këtyre tre muajve: Fitoren e PS në 18 Qershor në Tiranë, me një rezultat më të lartë se katër vjet më parë! Kështu që rri tek trendafili i PS, se zhapiku është gjetke”, shkruajti Kryeministri.
