Hyrja e më shumë se 2600 kontenierëve me lëndë kimike në Shqipëri me destinacion Maqedoninë, ku kanë mbërritur më pak se gjysma ka bërë që të reagojë edhe drejtoria e Përgjithshme e Doganave në Tiranë. Sipas kësaj drejtorie, gjatë vitit të kaluar në Durrës me destinacion Maqedoninë kanë hyrë vetëm 1120 kontenierë që sipas dokumenteve kanë qenë me ushqime.
Sipas doganave asnjë kontenier nuk ka kaluar nëpër Shqipëri me lëndë kimike.
Më poshtë keni reagimin e plotë të doganave:
Lidhur me artikujt e publikuar gjatë dy ditëve të fundit në media, per tranzitin ndërkombëtar nga Shqipëria, Drejtoria e Përgjithshme e Doganave informon opinionin publik se:
Për vitin 2016 nga Porti i Durrësit janë trazituar drejt Maqedonisë, nëpërmjet Degës Doganore Qafë Thanë, 1120 tranzite ndërkombëtare me kontenierë.
Nga verifikimet e kryera në deklarimet e përshkrimit të mallrave/artikujve të transportuara në këto tranzite ndërkombëtare kanë qenë mallra kryesisht ushqimore
Të gjitha këto tranzite kanë kaluar në doganën shqiptare, me Doganë hyrëse Durrësin dhe Doganë dalëse Qafë Thanën dhe këto tranzite rezultojnë të mbyllura në sistemin tonë elektronik brenda afateve të përcaktuara.
Drejtoria e Përgjithshme e Doganave nuk ka patur ndonjë shqetësim të ngritur nga homologët lidhur me këtë çështje por referuar këtij artikulli ka komunikuar zyrtarisht me doganat homologe në Itali dhe në Maqedoni, dhe pret një konfirmim zyrtar prej tyre.
