Rreth 30 persona, disa prej tyre në gjendje të rëndë, mbetën të plagosur kur një makinë mori përpara njerëzit që merrnin pjesë në paradën e karnavaleve në New Orleans, “Krewe of Endymion”.
Ngjarja e rëndë ndodhi rreth orës 18.45 të mbrëmjes së të shtunës, me orën e vendit.
Një zyrtar i policisë deklaroi se sipas të dhënave paraprake rreth 20 persona janë në gjendje kritike.
Shefi i policisë, Michael Harrison deklaroi se një person u arrestua nga policia, ndërsa dyshohet se i jepte mjetit nën efektin e lëndëve narkotike. Nga hetimet e deritanishme përjashtohet pista e një akti terrorist.
