Turjan Hyska ka qenë i ftuar sonte në Xing me Ermalin, ku ka ndarë momente të punës, por edhe personale. Ai tha se për herë të parë po tregoj se si hyra në Vizion+ dhe mbeta aty…
Kur isha 19-vjeç regjisoria Suela Bako më kërkoi të drejtoja emisionin “Kub”, që ishte i ngjashëm me “Next”-in e sotëm.
Megjithatë, në atë periudhë Turit i ndodhi një dramë familjare.
“Babai im u nda nga jeta dhe gjithçka ndryshoi. Unë isha shumë i shqetësuar për të ardhmen tonë. Elio ishte i vogël, mamaja vetëm, kështu që duhet të bëja diçka për të ndihmuar familjen financiarisht”, shpjegon Turi në intervistën në “Xing me Ermalin”.
Më tej, ai tregon se, “Genc Dulaku më thërret në zyrë dhe më thotë: unë e kam parë që ti ke talent, vetëm puno fort e mos fluturo, por ti në Vizion Plus nuk do kesh ndonjëherë mangësi për të ardhmen tënde financiare”.
Turi shpjegon se për të ky televizion ka qenë kishe e xhami, ku është falur sa herë që ka pasur nevojë, ndaj edhe ka punuar me mish e me shpirt për atë vend që e konsideron familjen e tij.
