Ish-kryeministri Sali Berisha, sonte, në emisionin “Studio e Hapur” në News 24 ka komentuar lajmin e dalë para pak minutash se kryeministri Edi Rama dhe kreu i Kuvendit Ilir Meta po darkojnë së bashku.
Berisha u tha se darka iu bëftë mirë, por kjo është darka e fundit e qeverisë së tyre.
“U bëftë mirë si darka fundit e qeverisjes së tyre, populli ka mendje tjetër, ka dëshirë që ata të ikin”, tha Berisha.
Situata politike në vend, protesta e opozitës dhe ecuria e reformave në vend, ka ulur bashkë në një tryezë kryeministrin Edi Rama dhe kreun e Kuvendit Ilir Meta.
Mësohet se dy liderët e partive të shumicës në vend, po darkojnë së bashku mbrëmjen e sotme.
Ende nuk dihet se ku po zhvillohet ky takim, ku mendohet se po diskutohet në kuadër të zhvillimeve të fundit politike në vend.
