Partia Demokratike dhe më pas lideri i saj, Lulzim Basha kanë mohuar çdo skenar për dhunë në protestën e 18 Shkurtit. Përmes një njoftimi për mediat, PD hedh poshtë çdo insinuate të dalë në media me burime anonime, sikur do ketë skenar për të provokuar policinë.
Më vonë, ishte Basha ai që reagoi duke bërë thirrje qytetarëve të mblidhen nesër në orën 12:00 për të protestuar kundër qeverisë.
“Protesta e nesërme është bashkimi me i madh i qytetarëve kundër padrejtësisë, kundër keqqeverisjes, kundër varfërisë. Nesër do të marrin pjesë të gjithë qytetarët, gra, burra, të reja, të rinj, pensionistë, familjarë, studente, gjimnaziste dhe intelektuale, njerez te artit, kultures e sportit, te papune e sipermarres, fermere dhe punetore”, shkruan ai.
“Nga ky bashkim i madh kane frike vetem ata qe duan ti mbajne shqiptaret te nenshtruar. Ndaj kane filluar te shpifin e të gënjejne për protestën. Mos i besoni tamtamet e qeverisë, mos i besoni ata që kanë katër vjet që ju gënjejnë për punësimin, për shëndetësinë falas, për mirëqenien tuaj.
Ejani në protestë bashkë me familjarët tuaj, siç do bëjmë të gjithë. Forca jonë nuk është dhuna, por bashkimi, kurajo dhe ëndrrat që kemi për të ardhmen”, deklaroi kreu i PD-së.
