Kryeministri i Shqipërisë, Edi Rama, sot, ka marrë pjesë në seancën solemne për nderë të nëntë vjetorit të pavarësisë së Kosovës.
Rama ka uruar qytetarët, ndërsa ka deklaruar se pa Ramush Haradinajn festa nuk është e plotë.
Ai ka uruar lirimin e ish-kryeministrit Haradinaj, i cili po mbahet në Francë që nga 4 janari, ku u ndal në bazë të një fletarresti të lëshuar nga Serbia në vitin 2004.
“Gëzuar të gjithëve këtë ditë. Përvjetor më një peshe të jashtëzakonshme sepse ende janë të freskëta ditët e vështira. Uroj kthimin sa më të shpejtë në shtëpi të Ramush Haradinajt”, tha Rama.
Më tej, Rama theksoi se “17 shkurti duhet të konsiderohet ditë e bekuar jo vetëm për shqiptarët, por edhe për serbët sepse dita-ditës Kosova po tregon shembull rrezatues të bashkëjetesës.
