Antonio Conte ka rikujtuar disa momente zhgënjimi në të shkuarën për të mbajtur të fokusuar ekipin e tij në garën për titull. Pas fitores bindëse kundër Arsenal me rezultatin 3:1 Blutë tashmë janë 12 pikë larg vendit të dytë në renditje. Conte, i cili në të kaluarën ka qenë lojtar dhe më pas trajner te Juventus, e di mirë shijen e triumfit dhe zhgënjimit. “Akoma nuk e kemi fituar titullin. Është e rëndësishme t’i mbajmë antenat shumë lart,” shprehet trajneri i Chelsea. “Në karrierën time si futbollist kam fituar shumë por edhe kam humbur shumë. Kur luan në tre finale radhazi dhe fiton vetëm një, mendoj se ke një uri të madhe. Prandaj mendoj se kam eksperiencë për ta përballuar këtë situatë.”
Kapiteni i ekipit ndeshjen kundër Arsenal e ka nga tribuna, pasi nuk ishte grumbulluar nga trajneri i tij, por Conte e vlerëson shumë punë jashtë fushe të qendërmbrojtësit anglez. “Kapiteni ynë mbetet akoma John Terry. Ai e bën mirë punën e tij, duke më ndihmuar shumë mua dhe shokët e ekipit. Sjellja e tij është fantastike. Gary është zv.kapteni tani dhe kapiteni në fushë kur John nuk luan. Cahill mendoj se po luan shumë mirë duke treguar aftësitë e tij. Është një mbrojtës shumë i mirë. Jam i lumtur për të dhe paraqitjen e tij. Tani është e rëndësishme të ruajmë të njëjtin përqendrim pasi kampionati nuk ka mbaruar akoma.”/ Telesport.al
