Ambasada e SHBA-së në Tiranë ka përsëritur edhe njëherë thirrjen e 3 ditëve më parë të ambasadorit Donald Lu për të aplikuar në Komisionet e Vetingut. Duke përmendur termin ‘patriot’ kjo ambasadë fton gjyqtarët e prokurorët të aplikojnë në faqen e Avokatit të Popullit.
“U bëjmë thirrje shqiptarëve patriot dhe të kualifikuar të aplikojnë për të shërbyer në Komisionet e Vetingut. Aplikoni në faqen e Avokatiti të Popullit”, thuhet në deklaratën e shpërndarë për mediat sot në mëngjes. Aktualisht është i hapur konkurimi për Anëtar i Komisionit dhe Gjyqtar i Kolegjit të Apelimit, si dhe Komisionerit Publik. Aplikimet duhet të dorëzohen brenda datës 09/02/ 2017 pranë Avokatit të Popullit.
Njoftimi vjen në kohën kur marrëdhëniet janë të acaruara mes ambasadorit Donald Lu dhe kryeprokurorit të shtetit, Adriatik Llalla.
