Një ditë pas skandalit të denoncuar në “Stop” ku një gjyqtare në Elbasan ka marrë rryshfet për uljen e dënimit, është arrestuar një avokat. 51-vjeçari Gjin Marku, 51 vjeç me detyrë avokat mbrojtës, banues në Fushë-Mamurras, akuzohet për “Ushtrim të ndikimit të paligjshëm ndaj personave që ushtrojnë funksione publike”.
Ndaj tij u dha masa e sigurisë “arrest me burg” nga Gjykata e Shkallës së Parë për Krimet e Rënda në Tiranë.
Sakaq, në pranga u vu edhe sekseri i rastit të denoncuar mbrëmjen e djeshme në emisionin investigativ “Stop”, Behar Kola, 50 vjeç, banues në Tiranë. Ai akuzohet për se ka korruptuar funksionarët e drejtësisë.
Në videon e publikuar, gjyqtarja e Elbasanit, Pajtime Fetahu, merr 2000 euro për të nxjerrë me minimunin e dënimit, personin në paraburgim Kristjan Leka. Kamera sjell me zë dhe figurë pazarin.
Ndërsa prokurorja Ermira Tafani, ka kërkuar 1500 euro për mbylljen e çështjes gjyqësore.
