Kreu i PDIU-së, Shpëtim Idrizi i është përgjigjur Ylli Manjanit i cili një javë më parë do të deklaronte se zgjedhjet e 2013 i fitoi e majta e bashkuar PS-LSI dhe jo PDIU-ja. Mbrëmjen e djeshme në emisionin “Top Story” në Top Channel, Shpëtim Idrizi deklaroi se: “Manjani ndoshta nuk e di që LSI ka qenë nja katër vite në koalicion me PD dhe e ngatërron të majtën”.
I pyetur se në cilin koalicion do të jetë në zgjedhjet e ardhshme, ai tha se “do të doja të mos bëhesha pjesë e koalicioneve, por ky Kod Zgjedhor na detyron. Ne, edhe brenda koalicionit dhe na i vjedhin votat”.
Ndërmjet PS dhe PD, duket se Idrizi do të vazhdojë të qendrojë me PS në zgjedhjet e ardhshme. Ai tha se marrëveshja nuk është zbatuar plotësisht, por gjithsesi do të pëlqente të qendronte majtas.
