Pak ditë më parë u finalizua dhe divorci i vitit, mes aktorëve Johnny Depp dhe Amber Heard.
Nga ndarja, Heard ka fituar 7 milionë dollarë të cilat më pas ajo i ka dhuruar për bamirësi.
Tani, duket se Amber Heard vitin 2017 po e fillon me një jetë të re. Ajo është parë në një takim me pronarin e kompanisë së njohur Tesla, Elon Musk.
Aktorja amerikane, 30 vjeçe, për herë të parë është takuar verën e kaluar me miliarderin 45 vjeçar, Musk, për të cilin thotë se e ka ndjekur me “vite”.
“Amber ndihet sikur ka zbritur në ‘Hënë’ në lidhje me shkurorëzimin e saj, por ajo ndihet edhe më e lumtur se mund të takohet lirisht në publik me Elonin”, ka thënë një burim për “The Mirror”. “Ajo u ka treguar miqve gjatë Krishtlindjeve se sa e ‘pushtuar’ është nga Eloni”.
“Ata janë duke planifikuar plot aventura së bashku dhe ajo është e lirë që të lëvizë tutje me jetën e saj. Është një kapitull i ri emocionues për të dytë”, përfundoi burimi.
