Ministria e Transporteve informon për gjendjen e rrugëve paraditen e sotme në gjithë vendin.
Për shkak të ngricave dhe erërave të forta që janë prezente ngricat sidomos në Tropojë dhe në Dibër.
Akset e Tropojës qarkullohen pa zinxhirë. Edhe aksi Milot – Tuneli Thirrë – Kalimash – Dogana Morinë, qarkullohet pa zhinxhirë. Akset e Kukësit dhe Dibrës, si dhe pjesa fundore e segmentit Dedaj – Razëm, qarkullohen me zinxhirë.
Në Rajonin Qëndror Tiranë: Me zhinxhirë qarkullohet në segmentin Qafë Priskë – Qafë Mollë.
Në akset e tjera nuk ka probleme për qarkullimin.
Në Rajonin Jugor Gjirokastër: Në Qarkun e Korçës, vazhdon puna për pastrimin e akseve dhe hedhjen e kripës, pasi nga temperaturat shumë të ulëta, ka prani të ngricave në rrugë. Në këtë Qark, kalohen me zinxhirë akset Boboshticë – Dardhë, Korçë – Voskopojë, si dhe në Qafën e Qarrit.
Në akset e tjera të këtij Rajoni është bërë hedhja e kripës në zonat ku ka prani ngricash dhe qarkullimi është normal.
Rekomandohen përdoruesit e rrugës të bëjnë kujdes, sidomos në zonat ku ka ngrica, si dhe të respektojnë sinjalistikën rrugore.
