Vrasja e ambasadorit rus në Turqi, Andrey Karlov, është ndjekur live edhe nga bashkëshortja e tij, e cila është shokuar nga pamjet e transmetuara.
Mediat turke kanë shfaqur edhe reagimet e para të bashkëshortes së tij, teksa ndodhej para ndërtesës ku ndodhi ngjarja.
Ajo shihet teksa qan pa pushim dhe mbështetet tek një person. Në video dëgjohet fjala “Rusia”.
Policia ekzekutoi autorin e sulmit, i cili raportohet se është polic.
Vrasja e ambasadorit rus ka tronditur politikën botërore. Gjithçka çfarë ndodhi u transmetua në të gjitha mediat ndërkombëtare por edhe bashkëshortja e vetë ambasadorit e ndoqi live vrasjen e tij.
Andrey Karlov është qëlluar me 7 plumba ndërsa ndodhej në një ekspozitë fotografish në Ankara. Autori i veshur me kostum civil dhe me armë në dorë ka qëlluar nga pas shpine, ndërsa ambasadori mbante një fjalim.
