Një grupim i quajtur “Lëvizja për Shqipëri të Bashkuar” hoqi flamurin grek në hyrje të kalasë së vjetër të Himarës, që ishte vendosur para disa ditësh.
“Së bashku me shumë anëtarë të Lëvizjes për Shqipëri të Bashkuar, nga gjitha trojet shqiptare kemi rrugëtuar për në Himarë që ta heqim flamurin shovinist grek nga Kalaja e vjetër e Himarës” deklaroi Tahir Veliu, kryetar i Lëvizjes për Shqipëri të Bashkuar.
“Himara është Shqipëri dhe flamuri grek nuk ka pse të shfaqet në trojet tona, kur ta kemi parasysh gjenocidin grek ndaj shqiptarëve autokton në Çamëri. Greqia nuk është vetëm shtet fqinj, por është pushtues i 15 674 km2 territor shqiptar”, ka shtua Veliu në deklaratë.
Lëvizja për Shqipëri të Bashkuar është lëvizje kombëtare e themeluar me 16 korrik të vitit 2016, që synon bashkimin fizik të gjitha trojeve shqiptare në një shtet të vetëm kombëtar shqiptar.
