Një polic i Forcave të Ndërhyrjes së Shpejtë është vënë në pranga një ditë pasi u përfshi në aksident. Ramazan Durishti me detyrë, trup shërbimi operacional pranë Repartit të Ndërhyrjes së Shpejtë u vu në pranga pasi shkeli rregullat e qarkullimit rrugor duke aksidentuar një këmbësore, bëri të ditur Ministria e Brendshme.
Dje, më 4 dhjetor, rreth orës 16:40 duke drejtuar automjetin me targa TR 6897 P në rrugën “Bulevardi Blu” në Kamëz, inspektor Ramazan Durishti ka aksidentuar këmbësoren N.T. 58 vjeçe. Për pasojë e dëmtuara ndodhet në spitalin e Traumës nën kujdesin intesiv të mjekëve.
