I ftuar në studion e Ermal Mamaqit ku ka folur për librin e tij të fundit “Pushteti”, gazetari Blendi Fevziu ka treguar për herë të parë projektet e tij për libra të tjerë që ai pritet të nxjerrë në dritë.
Edhe pse nuk ka folur për kohën se kur ata do të dalin në botim, Fevziu ka treguar se në projektet e tij është një ditar me ngjarjet politike të Shqipërisë, një libvër për shkrimtarin Ismail Kadare dhe gjithashtu një tjetër krijim që do të ketë në fokus ngjarjet e Kosovës në vitet 97-99. Gazetari ka rrëfyer si disponon informacione të panjohura për publikun mbi gjithcka ka ndodhur në Kosovën e atyre viteve dhe veprimtarinë e shërbimeve sekrete, CIAS, UcK-së, etj.
Fevziu ka pohuar se në projektet e tij është edhe një libër për Sali Berishën, si një nga njerëzit që e ka dominuar Shqipërinë politikisht në këto 25 vitet e fundit.
“Janë 3 personazhe që e kanë dominuar politikën”- është shprehur Fevziu, duke përmendur Ahmet Zogun, Enver Hoxhën dhe Sali Berishën.
