Me kalimin e viteve që kur edhe përfshirja e grave filloi të ishte më intensive ndonëse ende jo e plotë në politike apo institucione filloi të ndihej edhe seksizimi në politikën shqiptare. Pavarësisht përkufizimit të kësaj fjalë, në thelb ajo mbetet diskriminuese, ofenduese dhe e dënueshme nga ata të cilët e aplikojnë.
Disa mendojnë se deklaratat seksiste janë vetëm ato që kanë një sfond seksual, por gjithsesi çdo deklarate e cila synon intimidimin e grave me fraza të cilat nuk kanë lidhje me profesionalizmin e tyre bëhet pjesë e seksizmit në politike.
Në shumicën e rasteve gratë janë intimiduar nga burrat drejtues në politike, disa sepse mbase nuk kanë qenë me merita të plota në pozicionet që mbanin ndërsa të tjera kanë dalë të vënë në vend autoritetin e tyre.
Por çështje si kuotat e grave apo sa herë që një grua është diskutuar për tu vendosur në një pozicion publik dhe të rëndësishëm nën zë kanë hapur diskutime mbi aftësitë e tyre. Gjithsesi sot administrata publike ka një numër të konsiderueshëm grash dhe vajzash në pozicione kyçe madje edhe në nivel ministror. Niveli me i lartë drejtues i një gruaje në Shqipëri pas viteve 90 është ai ish-kryetares së kuvendit Jozefina Topalli apo i ish-kryeprokurores Ina Rama. Të shohim se cilat do jenë shkallët më të larta se kaq që do të ngjisin gratë në një vend si Shqipëria.
