Themeluesi i WikiLeaks, Julian Assange është përballur paraditën e sotme në ambasadën e Ekuadorit në Londër me prokurorët për dy akuza për të cilat ka nisur betejn ligjore mjaft kohë më parë, njofton AFP.
Mësohet se Assange, është pyetur nga një prokuror ekuadorian mbi daljen e informacioneve sekrete nga websidet në godinën me tulla të kuqe ku është i fshehur ai për më shumë se katër vjet. Gjithashtu është paraqitur edhe prokurori suedez, Ingrid Isgren dhe dy inspektorë policie që duan të hyjnë në zyrën e tij.
Julian Assange, 45-vjeç, kërkoi azil në qershor të vitit 2012 në ambasadën e Ekuadorit në qendër të Londrës, pasi prokurorët suedezë lëshuan një kërkesë arresti ndaj tij, mbi një akuzë për ngacmim seksual që ishte plotësuar nga dy gra gjatë një udhëtimi në Suedi në vitin 2010.
Ai i mohoi, duke thënë se këto janë të motivuara politikisht.
Assange ka refuzuar të udhëtojë për në Suedi për t’u përgjigjur prokurorëve nga frika se mund të ekstradohet në SHBA për publikimin e 500.000 dosjeve sekrete ushtarake mbi luftën në Irak dhe Afganistan.
Prokurorët Suedezë e kanë hedhur poshtë akuzën për ngacmim seksual, vitin e kaluar, pasi mbaroi statusi pesë-vjeçar i caktuar sipas ligjit.
