Zbardhen detaje të reja për vjedhjen që realizuan dy adoleshentet pasditen e së dielës në një lokal në Tiranë. Burime nga Policia thanë se 17vjeçaret A.B. dhe E.L., kanë qenë duke pirë kafe një lokal që ndodhet pas Pallatit të Kulturës.
Ato kanë qenë të ulura tek banaku i lokalit. Banakieri, 18vjeçari me iniciale R.R., kishte lënë telefonin e tij “Samsung”, mbi banak, pasi e kishte vënë në karikim.
Në një moment kur ai nuk e ka pasur mendjen, njëra nga vajzat, shtetasja me iniciale A.B., ka marrë fshehurazi telefonin e tij dhe e ka futur në xhep. Më pas të dyja kanë nxituar të dilnin nga lokali dhe janë larguar.
Pas disa minutash banakieri ka vënë re se nuk e kishte telefonin aty ku e kishte lënë dhe ka kuptuar që ia kishin vjedhur. Ai ka parë kamerat e sigurisë dhe nëpërmjet tyre ka zbuluar se kush ishin hajdutet.
Disa orë më vonë, ai ka gjetur shtëpinë e vajzës që kishte vjedhur celularin dhe ka shkuar atje për t’ia marrë. Vajza ka dalë jashtë për të folur me të dhe është nxehur kur 18 vjeçari i kërkonte celularin e vet.
Për këtë arsye, ajo ka goditur me grusht xhamin e makinës tip “Ford”, me të cilën banakieri kishte shkuar deri tek shtëpia e saj. Në këtë moment ai ka lajmëruar Policinë
