Kreu i Opozitës Lulzim Basha ka prezantuar programin e ri ekonomik që sipas tij do të jetë alternativa e plotë e rrugëdaljes së vendit nga problemet e shumta ku e ka zhytyr Shqipërinë, qeveria e rrenave të Edi Ramës.
Gjatë një takimi ku marrin pjesë ekspertë të huaj të CDU-së që kanë asistuar në hartimin e këtij programi, Basha përshkroi situatën e rëndë kriminale, atë të kanabisit, papunësisë dhe emigracionit që sipas tij janë shkak i një modeli të gabuar politik të qeverisjes aktuale.
Basha ka deklaruar se opozita do të marrë përsipër të gjitha përgjegjësitë për të ofruar rrugët e daljes nga ky mekanizëm i kalbur politik, për një model të ri të demokracisë funksionale.
Për kreun demokrat, programi i ri do ti përgjigjet sfidave konkrete të vendit, duke shtuar se taksat dhe tatimet do tu kushtojnë më pak qytetarëve shqiptarë.
“Marrim përgjegjësitë tona si opozitë dhe alternativë për nesër, për ti shpalosur shqiptarëve jo vetëm denoncimet, me emra dhe mbiemra, me shifra, jo thjesht indinjata për përgjegjësit, por edhe rrugët e daljes.
Rrugët kalojnë nga një model i ri politik të një demokracie funksionale në duart e qytetarit shqiptar dhe jo të një mekanizmi të kalbur të politikës në Tiranë që po e përdor vetëm për pasurimin e vet. Instalimi i një modeli politik ku pushtetin ta kenë qytetarët.
Dua të ndaj lajmin e mirë se opozita po përfundon procesin e hartimit të një alternative të plotë që përbën rrugëdaljen për shumë nga problemet e përditshme si varfëria, papunësia, emigracioni masiv”-tha Basha.
Opinion.al/a.h
