Artisti karizmatik dhe antikonformist, Robert Aliaj, një nga anëtarët e jurisë në spektaklin e kërcimit “Dance with me” në “Klan”, habiti publikun me lookun e së hënës së fundit, pasi u shfaq në ekran i maskuar si femër, me paruke të verdhë, dhe me emrin Roberta.
Gjatë komunikimit me moderatoren e spektaklit, Alketa Vejsiu, ai hyri komplet në rol, pasi si në teatër, u distancua nga vetvetja, personazhin e të cilit e luajti kësaj here këngëtari nga Kosova, por që jeton në Zvicër, Gjon Karrica. Ndër të tjera, Roberti si Roberta, foli dhe për një unazë diamanti të zi, super të shtrenjtë që mbante në gisht, për të cilën theksoi se e kishte blerë me paratë e tij.
Të gjithë krijuan përshtypjen se edhe unaza ishte pjesë e rolit dhe se do ta mbante në gisht vetëm për një natë (për të kompletuar stereotipin femëror sot të pushtuar nga luksi), por në fakt ai e ka blerë vërtet këtë unazë në Tiranë, çmimi i së cilës është 13 350 USD.
Unazën e personalizuar, me diamant të zi 3 karat, diamant të quajtur round cut 0.8 karat, dhe e punuar në flori 18 karat ai në fakt e ka blerë me shijen e kundërshtares së tij më të fortë në panelin e “Dance with me”, misit të parë shqiptar, Valbona Selimllarit.
Edhe pse në ekran duket se ata nuk e durojnë aspak njëritjetrin duke arritur shpesh në debate të forta televizive, faktet tregojnë se Berti dhe Bona jashtë ekranit janë jo vetëm miq të mirë, por edhe këshillues të njëritjetrit për zgjedhjet që bëjnë.
Artisti kundër rrymës, që jeton prej vitesh me familjen në Bruksel, është shumë i pranishëm në Tiranë, ku përveç pjesëmarrjes në spektakle ku shkakton shumë zhurmë me idetë e tij unike, gjatë kohës së lirë bën edhe shopping për stilin e tij të veçantë. Kemi mundur të sigurojmë fotot ku dy kundërshtarët që s’bien kurrë dakord në ekran, na shfaqen shumë afër njëritjetrit jashtë tij. Valbona është duke zgjedhur unazën e duhur për artistin që lufton banalitetin, dhe Bertit i mbetet vetëm ta konfirmojë shijen e saj./Panorama/
