Kryetari i Komisionit të Medias, deputeti demokrat Genc Pollo ka reaguar ndaj një videomesazhi të Kryeministrit Edi Rama i cili akuzonte analistët e mediat online për shantazhe e gjoba. Të shumta kanë qenë reagimet dhe mes tyre vjen edhe reagimi i Pollos i cili thotë se Rama dëshiron ti mbyllë gojën medias online dhe për këtë po përgatitet një pseudoligj.
Statusi i plotë i Pollos
Dhe Edi prapë inatin me mediat e ka: lëvdon ato që e lëvdojnë (e që u ngroh xhepat) dhe ka veç helm e pelin për të tjerat jashtë hyqmit rilindist e që i thonë gjërat siç janë a siç i mendojnë. Ku nuk i ecën rryshfeti don që të hyjë në lojë dovleti. Me ligjet e shpifjes dënon deputetët vetëm se i thanë na mbushe parlamentin me burgaxhinj. Me pseudo ligje te tjera don të mbyllë çdo portal online. Me telefonata e presione shkarkon gazetarë e mbyll emisione. Pse? Për të mbrojtur të tijin mini-me në bashki! Dhe prapë nuk i del inati e shfryn on line në fund javë. Qesharak e anakronik!
