Ministria norvegjeze e Shëndetësisë ka vendosur që gratë e huaja shtatzëna me binjakë mund të kryejnë aborte selektive në spitalet e vendit pavarësisht se fetuesi është i shëndetshëm.
Vendimi do të thotë që në Norvegji mund të kryejnë aborte selektive edhe gratë nga Suedia dhe Danimarka, vende ku aborti është i paligjshëm.
Shumë gra nga vendet e tjera skandinave thuhet se kanë kontaktuar me spitalet norvegjeze për të të marrë informacione mbi procedurat, raporton transmetuesi kombëtar NRK.
Aktualisht gratë në Norvegji lejohen të ndërpresin shtatzëninë deri në fund të javës së 12-të. Por mjekët janë të shqetësuar mbi këtë procedurë, pasi sipas tyre mund të vërë në rrezik nënën dhe fetusin tjetër.
Rekomandimi i tyre është aborti selektiv vetëm në rastet kur njëri nga binjakët shfaq anomali të ndryshme.
Ndërkohë edhe dy parti norvegjeze, Partia Kristian Demokrate dhe Partia e Qendrës kanë bërë thirrje për ndalimin e plotë të abortit selektiv.
