Bebe Rexha është shqiptarja që dita ditës po rritet në aspektin profesional, duke u kthyer në një prej emrave më të dëgjuar të muzikës amerikane dhe jo vetëm.
Para pak kohësh u zbulua se Bebe ishte nominuar në dy kategori të cmimeve MTV Europe Music Awards, ndërsa tani rrjeti muzikon ka konfirmuar emrin e saj si personi që do të prezantojë gjatë natës së ndarjes së cmimeve.
Kantautorja e talentuar Bebe Rexha shihet në videon e shpërndarë nga MTV teksa fton të gjithë fansat e muzikës ta ndjekin në datën 6 nëntor.
Kujtojmë se ky ka qenë një vit i jashtëzakonshëm për dibranen. Ajo ka shitur më shumë se 10 milionë single-s, ka arritur 1 miliardë dëgjime në Spotify dhe më shumë se 1.3 miliardë klikime në Youtube dhe Vevo.
