Deputeti socialist Taulant Balla ka reaguar menjëherë pas pohimit të Ben Blushit se largohet nga Partia Socialiste.
Në emër të grupit parlamentar socialist i ka kërkuar Blushit t’i kthejë mandatin socialistëve sepse tha se ia ka marrë padrejtësisht, ndërsa e akuzoi se ka kërkuar gjithmonë të marrë kryesimin e PSsë dhe të ketë një post ministror në qeveri.
Por nuk ka munguar replika e drejtpërdrejtë e Blushit sipas të cilit, Pd dhe Rilindja sot janë më të ngjashme se kurrë.
Ja fjala e Blushit:
Kujt t’ja jap mandatin, Roshit, Prengës apo Nokës I ashpër dhe plot akuza ka qenë reagimi i Blushit, pas fjalës së deputetit Taulant Balla. Ka nja dy vjet që në PS bëhet një tender që vazhdon përditë, kush shan më shumë Blushin, ti Taulant e ke fituar dhe të nxis ta fitosh, në fund të tij do jesh i pasur por më shumë i shpifur. por merr pjesë në tender ti dhe shokët e tu Ikja nga një parti pas 20 vjetësh nuk ndodh përditë dhe nuk hyj te ata që kam keqardhje për atë që ikën por për atë që vjen.
Duke e pasur dilemë ca bëhet me mandatin tim, në kushte normale do ua kisha dhënë nëse do besoja se mandati do vlente, do dinit ta përdornit, kujt t’ja jap unë këtë mandat Elvis Roshit, Armandos, Nokës, banditëve që të vijnë këtu e të gjejnë strehë vorfnore që mos ti kapë ligji, rilindjes kanabiste që i shpëton policisë me ndihmën tuaj, me kë ta shkëmbej mandatin.
Keni parë njeri që shkon nga pushteti në opozitë, po qeverisni me një parti që janë sot me ju, nesër do jenë prapë me Saliun, ne po shkojmë nga pushteti në opozitë, por jo në opooitë me këta, këta janë në pushtet me ju, po shkojmë në opozitë me mashtrimin elektoral, që voton për të hequr mbetjet dhe po importon mbetjet, që e hoqën Lazaratin por e mbollën në cdo cep, që e rritën varfërinë dhe mjerimin, duke marrë 1 miliardë e gjysmë euro borxhe, për të furnizuar me pllaka majolike, për këto i keni harxhuar, jam në opozitë me cdo mashtrim, kanabizimin, degradimin e arsimit që i përfaqësoni ju pikë për pikë.
Më përmende 21 janarin:
Po ju them dy fjalë që s’keni guxim të mbroni Arditin, ajo që ndodhi në Sharrë është 21 janari i mbetjeve. Në 21 janari ata i vrau Saliu por i cuat ju në pritë dhe keni tre vjet që keni ardhur në pushtet, ju që qatë për 21 janarin, por nuk bëtë drejtësi.
Kush i coi në pritë ata Taulant, unë nuk marr pjesë në një miting që e thërras vetë dhe fshihem poshtë Lanës, apo në zyrë, njerëzit i cuat në pritë që ti vrasin duke i ditur, kam qenë kundër jush atë herë ju thashë të mos bojkotojmë Kuvendin, ata që ishin në pushtet hoqën rrogat 6 muaj, ju që ishit më fanatikët për të bojkotuar morët rrogat pafytyrësisht, shkuat të gjithë në gjyq morët nga 10 milionë, për çfarë, për një bojkot që e kishit bërë me ndërgjegje.
Shumica e gjërave që kam thënë po dalin, nuk kam arsye të jem as aksioner në ndërmarrje private, as punëtor, e bëni se doni një punë, se kuvendi është burokraci, cfarë nderi keni ju, kur pranoni që në PS të mos ketë zgjedhje, votuat të gjithë pro, të gjithë votuat të hiqnin importin e mbetjeve dhe tani votuar për importin.
