Kisha katolike organizoi sot pritjen zyrtare të kardinal Ernest Troshanit në Rinas. Prifti i njohur i cili i mbijetoi komunizmit u shpall të dielën kardinal nga Papa Francesku. Në ceremoninë e mirseardhjes ishte dhe Kryeministri, Edi Rama. Kryeministri shfaqet përkrah Tom Doshit në aeroportin ndërkombëtar të Rinasit, duke pritur kardinalin e nderit, Ernest Troshani.
Burime zyrtare thanë për Opinion.al se Rama ishte i ftuar në cilësinë e Kryeministrit të vendit, ndërsa mes shumë të ftuarve të tjerë ishte dhe Doshi si deputet i zonës nga vjen edhe Ernest Troshani. Kujtojmë se Doshi u përjashtua nga PS, rreth një vit e gjysëm më parë kur akuzoi Ilir Metën se ka dashur ti bëjë atentat. Doshi është parë gjatë kësaj kohe në shoqërinë e deputetëve socialistë, por asnjëhere me kryetarin e PS, Rama.
*Më poshtë video e publikuar nga Balkanweb, ku Rama dhe Doshi ndodhen në të njëjtën tavolinë. Bashkë me ta janë edhe priftërinjtë e kishës katolike.
