Një ditë para ndeshjes së Kombëtares me Lihtenshteinit, De Biazi duket se e ka të qartë skemën me të cilën do të hyjë në fushë. Surpriza e 11-shes së trajnerit italianë është mungesa e Ansi Agollit i cili do të zevëndësohet nga Naser Aliji. Për këtë, De Biazi mësohet se ka menduar edhe për shiritin e kapitenit, i cili me shumë mundësi do të mbahet nga Mërgim Mavraj.
Nuk dihet ende arsyeja e uljes në stol të Ansi Agollit nga ana e trajnerit De Biazi, ndërsa duket se italiani ka menduar të lërë pushim kapitenin, në mënyrë që mbrojtësi i majtë të mos shpenzojë energji ndaj Lihtenshteinit, pasi mund t’i duhet i freskët në takimin kundër Spanjës.
