Edi Rama ishte treguar i kujdesshëm deri tani me pedagogen Mimoza Hafizi, deputete e majtë por e rreshtuar kundër tij që prej zgjedhjeve në parti, ku Hafizi mbështeti Blushin.
Teksa zhvillohet debati për plehrat në parlament, Hafizi e mori fjalën pas Ramës dhe u shpreh se “është vështirë ta kuptosh kryeministrin”.
Hafizi:” Në 2013 janë ricikluar 10%, ndërsa vitin e shkuar 17% domethënë riciklimi është rritur me dyfishim. Pra në 2013, kur ky biznes punonte me 10% kapacitet ne e hoqëm ligjin dhe mirë bëmë, ndërsa tani që e kemi dyfishuar punën e këtyre bizneseve e risjellim ligjin. A ka njeri që e kupton këtë?!”
Por Rama duke replikuar me Hafizin do të shprehet: “Ti pyete a ka njeri që e kupton këtë, po ti nuk je njeri atëherë! Këtë e kuptojnë njerëzit, po ajo nuk është njeri. Që të ndjehesh si gjithë njerëzit më dëgjo. Së pari unë thashë që në 2013 ishte ca më shumë se 10%, pasi nuk ka pasur asnjëherë matje statistikore si e kemi pasur ne dhe tani është 17%, do të thotë se këto biznese janë stërmunduar, por tani janë duke falimentuar”.
Më herët Rama do të deklaronte se të gjithë deputetët e tij që nuk e votuan ligjin e mbetjeve janë në PS sa për të prishur syrin e keq….
