Zbulohen kokat e trafikut të drogës në Itali, të rrjetet të shkatërruar përfundimisht një ditë më parë nga policia italiane e Brescia pas hetimeve dy vjeçare. Ata janë dy shqiptarë të quajtur Dhimitër dhe Xhevahir Poti.
Sipas mediave italiane, ata janë nga Saranda dhe bashkëpunonin me mafiat më të fuqishme italiane, dhe kishin mbështetje logjistike nga mafia. Arrestimet e djeshme, ku 99 persona ranë në duart e policisë janë bërë në kuadër të operacionit “Ring new”.
Trafiku i drogës bëhej i koordinuar nga dy shqiptarët të cilët fusnin në Itali tonelata drogë çdo muaj, nga Shqipëria në brigjet e Pulias dhe Kalabrisë, apo në rrugë tokësore nga Evropa veriore pas ndalesës në Spanjë për kokainën që vinte nga Amerika e Jugut.
Të dy udhëheqësit e organizatës, për momentin janë arrestuar në Belgjikë, vëllezërit shqiptarë Dhimitër dhe Xhevahir Poti. Ata e përdornin mafian italiane – tregojnë hetuesit – si “mbështetje logjistike” për operacionet e trafikut të drogës, në bazë të ndikimit të çdo familje mafioze në territoret e tyre përkatëse.
Marijuana vinte nga Shqipëria, dhe futej në Itali me anije peshkimi, te cilat mbërrinin në brigjet e Pulias jugore ose në portin e Crotone për t’iu besuar më pas kriminelëve të njohur në zonat e Puglia dhe Kalabrise.
Kokaina arrinte në Spanjë nga Amerika Latine, para se të transportohej në Belgjikë – ku grupi kishte bazën e saj të logjistikës – dhe dërgohej në Itali, në tregjet e Milanos dhe Brescia.
