Ish-kryeministri Sali Berisha ka akuzuar sot pasardhësin e tij, Edi Rama se është një nga trafikantët më të mëdhenj të kanabisit. Ardian Çela është terroristi i OSHEE. Parku i tij është parku i kanabis, për llogari të Ramës. Rama përdor për transport droge makinat e OSHEE. Sot, Shqipëria 100 mijë janë në Selishtë, nën kujdesin më Ymer Lalës. Ky zotëria (Rama) i ka dërguar shumë mesazhe. Ky del e mashtron qytetarë me komunikata që nuk kanë qenë kurë. Sigurisht që ka pasur kanabis, por nga 2013ta është rritur 500 herë në sipërfaqe. Kanabisi është bërë pronë e organizatës kriminale të qeverisë shqiptare, e kryesuar nga Edi Rama”, tha Berisha.
Ndërsa më herët Flamur Noka do të shprehej: Banorët e Dibrës vuajnë mungesën e ujit, pasi sipas tij përdoret për parcelat me kanabis, duke shtuar se ‘ujin e pinë kuçedrat për kanabis’. Nga ana tjetër, Noka akuzoi Shefin e komisariatit të Dibrës, Robert Aga se është pronar i disa parcelave me kanabis.
“Nuk ka bërë vaki në këto 25 vite në këto vite, që të takosh pensionit dhe më kanë thënë se nuk vi për votime, pasi i kishin kërcënuar se do ti hiqnin pensionin. I keni kërcënuar me bukën e gojës, si ky gjatoshi. Këtë di të bëjë bëj shumë mirë ai. Polici a ë këmbë për të kërcënuar qytetarët për votën.
Një bandit, shef komisariati, Robert Aga, shef parcelash me drogë. Ja pra kjo është droga. Gjithë ditën me trafikantët e drogës. E dinë çfarë na thanë qytetarët? Nuk kemi mundur të bëjmë prodhime në Dibër. Dhe e di pse? Sepse ujin e merr kuçedra për kanabisin”, tha Noka.
Balla për zgjedhjet në Dibër
Deputeti socialist, Taulant Balla, teksa ka përmendur aksionet e policisë në luftën kundër kanabisit, thotë se PD vijon akuzat, sipas tij të pabaza, “ndonëse e mori përgjigjen në Dibër”.
“Si ka mundësi që partia më e madhe sot në opozitë të arrijë sot në atë pikë, sa të humbasë aq shumë në Dibër. Kërkoi test kombëtar, e pasi shpalli në orën 20 mu në qendër të Dibrës fitoren e Shehut, kur mbaroi numërimi, fyen të gjithë votuesit e Muharrem Ramës. Thanë se ishte vënë në diskutim morali i dibranëve. Por dibranët kanë dinjitet, ata kanë bërë histori, në historinë e madhe të vendit tonë. PD e do shumë këtë popull, por populli nuk e do. Aleanca që e quani ju “e krimit me popullin”, e mundi PD. Ulemi sy për sy para dibranëve, e shohim se kush ka bërë më shumë”, tha Balla.
