Një vajzë nga Italia i ka dhënë fund jetës duke u varur në shtëpinë e saj të re në Napoli. Trupi i 31-vjeçares Tiziana Canton u gjet nga xhaxhai i saj.
Shkak për këtë vendim fatal të vajzës u bënë reagimet e njerëzve në rrjetet sociale Facebook e Twitter pas publikimit të disa videove seksuale që ajo shpërndau në një grup chat-i në WhatsApp me gjashtë persona, raporton panorama.
Kjo bëri që emri i vajzës të kthehej në kryefjalën e komenteve dhe reagimeve në rrjetet sociale që e vinin në lojë.
Gjykata e dënoi atë me 320 euro gjobë si dhe me mbulimin e shpenzimeve prej 20 mijë euro për hapjen e çështjes gjyqësore ndaj Facebook dhe Twitter për heqjen e çdo komenti ku përdorej emri i saj.
Kjo ngjarje ka nxjerr në pah edhe njëherë sesa vret ironia e përdorur në rrjetet sociale.
