Mediat e huaja e kanë komentuar gjatë çështjen e sëmundjes së Hillary Clinton, kandidates për Presidente në SHBA.
Prej kohës, Donald Trump, rivali i saj republikan, ka hedhur teza se ajo është e sëmurë dhe se nuk ka kushte fizike për ta ushtruar detyrën e Presidentit të SHBA-ve.
Ajo që predikonte prej muajsh stafi i Trump u kthye gati në realitet ditën e djeshme, në përkujtimin e sulmeve të 11 Shtatorit.
Clinton u shfaq shëndetligë dhe një video tregoi se ajo nuk mundej të hipte as vetë në furgonin që e shoqëronte.
Ishin rojat e sigurisë që e mbajtën për ta futur brenda. Më pas, për 1 orë nuk pati asnjë lajm për Clinton-in.
Njerëzit nisën të pyesnin dhe u krijua një gjendje ankthi, shkruajnë mediat e huaja. “The Telegraph”, në një artikull të tijin analizon këtë çështje.
Sipas medias britanike, kjo do të ndikojë keq në rezultatin e zgjedhjeve nëse do të mbaheshin nesër.
Amerikanët kanë një perceptim se Presidenti duhet të jetë energjik dhe i fortë, gati për të përballuar vështirësitë e detyrës.
Por Clinton duket se nuk është. Mjekët e saj konfirmuan se ajo vuan nga një ftohje të mushkëri. Megjithatë, çdo gjë tani është kundër saj.
“The Telegraph”, shkruan se Clinton po shqetëson kampin demokrat. Kjo edhe për shkak të moshës së saj.
Por edhe nëse fiton, ajo do të jetë Presidentja më e vjetër që kanë patur SHBA-të që nga Regani.
Dhe figura e saj do të jetë një tabelë qitjeje për kundërshtarët. Të gjithë Presidentët e SHBA-ve janë treguar të kujdesshëm që të mos i shfaqin sëmundjet e tyre në publik.
Kështu, Kenedi vunte nga sëmundja adison dhe është përpjekur që të dilte gjithmonë energjik në publik, edhe pse është rrëzuar dy herë duke ngritur pikëpyetje.
Edhe Ruzvelt, i cili nuk mund të ecte dot vetë, kujdesej që askush të mos e fotografonte në një karrocë invalidësh./Panorama
