Pas fitores me Maqedoninë, trajneri i kombëtares shqiptare, Xhani De Biazi ka folur për Tvsh-në duke thënë se pjesa e parë e ndeshjes ishte më e mira për ekipin e tij.
Për De Biazin, “Maqedoninë e mundëm në 15 minuta”. Ai shtoi se “në pjesën e parë luajtëm disi mirë e pastaj ishim shumë të ngadaltë”.
Sa ka fjetur mbrëmë De Biazi dhe sa herë e ka parë ndeshjen?
Nuk fjeta shumë se shkova në shtrat në orën 2, por e kam riparë ndeshjen e djeshme dhe të gjitha të tjerat e Maqedonisë për të parë se ku mund të sulmonim sot.
A mundet ta fillojë Shqipëria me këtë formacion, këtë të 15 minutave të fundit?
Po, pse jo. Ekipi mund të luajë në mënyrë të tillë, por edhe dje, kishim një mesfushor si Hyka, bëri fillim të mirë, por deri sa stakoi trurin nga ndeshja aty filluan problemet.
