Vazhdon aksioni i Policisë dhe Forcave të Ndërhyrjes së Shpejtë për arrestimin e agresorit në Torrovicë të Lezhës. Ai është i armatosur me kallashnikov dhe herë pas here qëllon nga dritarja. Burime për Opinion.al thanë kanë mbërritur forcat RENEA. Ato po negociojnë që agresori të dorëzohet në rast të kundërt do të ndërhyhet në banesë, ku është fshehur dhe qëllon ndaj policisë.
David Qosja, banor i fshatit Torrovicë të Lezhës, në fillim i ka vënë flakën pyllit dhe më pas me armë në krahë ka qëlluar në ajër, duke terrorizuar fshatin. Banorët kanë njoftuar policinë, e cila në përpjekje për neutralizimin e tij humbi një efektiv.
David Qosja që njihet në zonë si person me probleme të shendetit mendor, pasi ka parë policinë është mbyllur në banesën e tij, duke qëlluar me kallashnikov nga dritarja. Një nga plumbat ka kapur fatalisht efektivin e FNSH-së së Shkodrës, Ardian Kodra, 50 vjeç nga qyteti i Shkodrës.
*Foto nga rruga ku është pozicionuar policia, pranë shtëpisë së agresorit të armatosur
