Një person nga fshati Barbarov në Strumicë të Maqedonisë, ka vrarë dje një grua të moshuar 73-vjeçare duke e goditur atë me dru në kokë, raportojnë mediat lokale.
Trupi i pajetë i 73-vjeçares është zbuluar nga mbesa e saj, e cila menjëherë i ka treguar babait të vet për vrasjen.
Babai i vajzës, duke dyshuar se aktin e ka kryer fqinji A.A. (65-vjeç), ka marrë një shkop të madh dhe ka shkuar në shtëpinë e tij.
Gjatë një përleshjeje, ai e ka goditur tri herë me thikë xhepi 65-vjeçarin.
Më vonë, policia ka arrestuar njeriun e plagosur, i cili është i dyshuar për vrasje.
