Historia shqiptare është e mbushur me shumë histori të forta dhimbjeje, vuajtjesh, torturash, humbje njerëzish, prej egërsisë së diktaturës komuniste, histori të cilat përfaqësojnë në vetvete vlerat e një vendi.
Por Sami Dangëllia është një emër që do të mbahet mend gjatë, si njeriu që ka vuajtur më shumë vite burg në Shqipëri, plot 43 vite.
Para pak ditësh, më 1 gusht, Instituti i Integrimit të të Përndjekurve Politikë të diktaturës komuniste me iniciativën e drejtorit Bilal Kola, organizoi një takim përkujtimor për Sami Dangëllinë.
Por kush është Dangëllia dhe cili është kalvari i vuajtes së njeriut që bëri dyfishin e viteve të burgut të Mandelës?
Sami Dangëllia, ka lindur në fshatin Menkulas të Devollit në vitin 1928. Fëmijërinë e kaloi në fshat, më vonë shkon ushtar dhe që andej bashkohet me Ballin Kombëtar dhe bëhet një nga aktivistët kryesorë të krahinës.
Më 8 tetor 1944, Sami Dangëllia arrestohet dhe burgoset në burgun e Korçës dhe vetëm një vit më vonë e shpallin “armik të popullit”. Sami Dangëllia u vendos në burgun e Burrelit. Më pas fillojë internimi, por së shpejti do të ridënohej dhe 1960 dënohet me 25 vjet burg dhe dërgohet përsëri në Burrel, ku do të merrte dhe nofkën “Gjyshi”.
Më pas kalvarin e vuajtjeve e kaloi në Spaç, ku Dangëllia punonte shumë për të nxjerrë bukën e gojës shtesë, pasi nuk kishte as një ndihmë nga të afërmit. Punoi i skllavëruar, por i pamposhtur nga torturat dhe më 21 Maj 1973, ishte një nga organizatorët e revoltës së Spaçit.
Pas revoltës së Spaçit, Dangëllia ridel për të tretën herë në gjyq dhe dënohet me 25 vjet burg dhe 5 vjet humbjen e qytetarisë pas burgut. Sami Dangëllia vdiq në moshën 61 vjeçare në burg, duke kryer 43 vjet burg, gati sa dyfishi i Mandelës. Ai vdiq më 23 prill 1987, në orën 23. Varrimi u bë nga burgu, pa e parë askush dhe pa e ditur se ku u varros.
Referuar -ballikombëtar.info
