Një shqiptar ka humbur jetën si pasojë e tërmetit 6.2 ballësh në qendër të Italisë.
Ministria e Punëve të Jashtme të Shqipërisë, sapo informoi opinionin publik se një shqiptar ka humbur jeten sot në Amatrice.
Viktima quhet Erion Toro, i lindur në 2 maj 1983 në Kurjan të bashkisë Roskovec.
Ai prej disa vitesh punonte në Amatrice.
Toro ishte i martuar dhe me dy fëmijë të mitur, siç duket edhe në foto.
Xhesika e Sara Hasani, Romina e Lori Duro, Hatixhe Hasanaj, janë 5 gra e vajza që janë plagosur nga tërmeti i sotëm dhe gjenden jashtë rrezikut për jetën në spitalin Gemelli të Romës, dërguar aty direkt nga zona e tërmetit.
Pak më parë kryeministri i Italisë Mateo Renzi tha se të vdekurit janë mbi 120.
Renzi po rri prej oresh në Rieti, një tjetër zonë e goditur fort nga tërmeti.
/Opinion.al/
