Është rënduar bilanci i viktimave nga tërmeti i fuqishëm që goditi Italinë mëngjesin e sotëm. Mediat italiane raportojnë se ka shkuar në 22 numri i viktimave. Po ashtu raportohet se numri i të plagosurve nga ky tërmet ka arritur në 100, por autoritetet thonë se është e vështirë që në situatën kaotike të identifikohet një numër i saktë të plagosurish.
Autoritetet italiane kanë kërkuar ndihmën e ushtrisë për shpëtimin e njerëzve nën gërmadha. Të dëmtuarit po dërgohen me helikopterë në spital.
Ndërkaq sizmiologët kanë deklaruar se mund të ketë të tjera lëkundje më të lehta.
Ndërsa autoritetet shëndetësore kanë bërë thirrje për dhurim gjaku të të gjitha grupeve.
