Sportisti amerikan i Arteve Marciale Mikse (MMA), Nate Diaz, mund të marrë nëj dënim të rëndë nga UFC-ja, pasi ai është vënë nën shenjëster nga antidopingu. Pas duelit të humbur me Conor McGregor, ai është paraqitur në konferencën e shtypit duke pirë kanabis. Kur është pyetur, Diaz është përgjigjur se po tymoste një substancë që quhet “vaji CBD”, por që është i ngjashëm me marijuanën dhe që përdorët për të ulur dhimbje psikologjike apo trauma të ndryshme. Por çdo substancë që vjen nga familja e kanabis është e ndaluar në sportet luftarake, ndaj dhe Diaz rrezikon shumë me këtë deklaratë.
Sipas rregullores, këto substanca nuk duhet të përdorën 6 orë para dhe 6 orë pas duelit. Ndërkohë që Diaz ka dalë në konferencën e shtypit menjëherë pas duelit me McGregor, ku u mund me pikë, me vendim jo-unanim të gjyqtarëve. UFC është partnere e antidopingut amerikan (USADA) dhe ka një listë me substanca të ndaluara që i ndalon të përdoren nga sportistët. Përdorimi i kanabis në konferencën e shtypit ka tërhequr vëmendjen e USADA që ka nisur një hetim, pasi deri në 6 orë pas duelit atij nuk i lejohej.
