Oerd Bylykbashi, përfaqësues i Partisë Demokratike në Komisionin për Reformën në Drejtësi, i cili sapo ka miratuar vetëm me votat e mazhorancës projektligjin e vettingut, thotë se ky projektligj derivon rëndë nga Kushtetuta e miratur në 22 Korrik të 2016.
Sipas tij projektiligji i miratuar sot është antikushtetues dhe nuk janë marrë parasysh opinionet e Partisë Demokratike ku ngriheshin problemet kushtetuese.
“Parlamenti i Shqipërisë, komisioni ad’hoc kishte një projektligj ku opinioni i PD tregonte problemet kushtetuese. Por nuk u miratuan sugjerimet e ngritura nga ne. Ajo që është po aq e rëndë është se pd edhe pse propozoi një numër të madh amendamentesh për një pjesë të ligjit, u hodhën poshtë pas asnjë lloj argumenti. Amendamentet e propozuara kishin qëllim që ky projektligj kaq i rëndësishëm të kthehej në binarët e kushtetuës dhe ndryshimeve të miratura në 22 Korrik. Pa ardhur në këto binarë ky projektligj është antikushtetues. Ne kemi shprehur votën tonë kundër për një seri nenesh. Ky ligj dervion rëndë nga Kushtetuta e miratuar në 22 Korrik”.
Bylykbashi shtoi se “do të marrim hapa të tjerë lëgjislativë dhe kushtetues për të garantuar që ligji i vettingut të mos shmanget nga vullneti konsensual i 22 korrikut”.
